Timbog ang No. 1 Provincial Most Wanted Person sa kasong qualified theft sa Sumadel, Tadian, Mt Province nito lamang Enero 28, 2025.
Ayon kay Police Colonel Ferdinand N Oydoc, Provincial Director ng Mountain Province Police Provincial Office, naaresto ang nasabing suspek sa pinagsanib na pwersa ng mga ahensya ng PNP sa pangunguna ng Criminal Investigation and Detection Group Mountain Province Provincial Field Unit.
Inaresto ang suspek sa bisa ng Warrant of Arrest sa kasong Qualified Theft na may inirekomendang piyansa na Php180,000.
Ang matagumpay na operasyon na ito ay nagpapakita ng kahusayan at pagkakaisa ng iba’t ibang sangay ng PNP at iba pang ahensya ng gobyerno sa paglaban sa kriminalidad at pagpapanatili ng kapayapaan at kaayusan sa probinsya.
