Davao Region – Matagumpay at mapayapa ang naging National and Local Elections sa Davao Region sa isinagawang pagbabantay ng Police Regional Office 11, noong Mayo 9, 2022.
Walang naitalang Election Related Incident (ERI) ang naganap sa Davao Region sa araw ng halalan na naging tanda ng mapayapa at ligtas na halalan sa buong rehiyon.
Ito ay bunga ng seguridad na isinagawa ng mga tauhan ng Police Regional Office 11 na nakadeploy sa iba’t ibang lugar upang matiyak na ligtas at mapayapa ang pagboto ng bawat mamamayan sa Davao Region.
Bagama’t mayroong 27 indibidwal ang naaresto dahil sa liquor ban at isa naman dahil sa gun ban, walang naitalang major incident o anumang nakagambala sa mga aktibidad ng halalan sa iba’t ibang lugar sa ilalim ng PRO 11.
Pinuri at pinasalamatan ni PBGen Benjamin Silo, Jr, RD, PRO 11 ang pagsisikap ng lahat ng tauhan ng PRO 11 kabilang na ang mga allied peacekeeping and law enforcement agencies, COMELEC, at iba pang election facilitators gayundin ang lahat ng mamamayan sa kanilang buong kooperasyon at partisipasyon upang maging matagumpay at mapayapa ang 2022 NLE sa Davao Region.
###
Panulat ni Patrolman Alfred Vergara
