Arestado ang isang Newly Identified Drug Suspect sa isinagawang buy-bust operation ng mga operatiba ng Kibawe Municipal Police Station sa Barangay Palma, Kibawe, Bukidnon nito lamang ika-1 ng Abril 2025.
Kinilala ni Police Captain Leonila R Vicente, Officer-In-Charge ng Kibawe MPS, ang drug suspek na si alyas “Biboy”, lalake, 19 anyos, construction worker at residente ng nasabing lugar.
Sa ikinasang buy-bust operation ay nagresulta sa pagkakakumpiska ng mga pakete ng hinihinalang shabu na may bigat na 0.7785 gramo at may street value na tinatayang Php5,361 at isang Php1,000 bill na ginamit bilang buy-bust money.
Ang suspek ay nahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Patuloy ang PNP sa pagsiguro ng kaayusan at kapayapaan sa ating pamayanan.
