Arestado ang isang Newly Identified Drug Suspect sa isinagawang joint buy-bust operation ng Bukidnon Provincial Drug Enforcement Unit, Bukidnon Provincial Intelligence Unit katuwang ang mga tauhan ng Valencia City Police Station sa Barangay Batangan, Valencia City, Bukidnon nito lamang ika-21 ng Pebrero 2025.
Kinilala ni Police Liuetenant Colonel Bryan M Panganiban, Officer-In-Charge ng Valencia CPS, ang suspek na si alyas “Lito”, lalake, 38 anyos, laborer at residente ng nasabing lugar.
Sa ikinasang joint buy-bust operation ay nakumpiska ang mga pakete ng hinihinalang shabu na may street value na tinatayang Php56,440 at isang Php500 bill na ginamit bilang buy-bust money.
Ang suspek ay nahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Ang Pambansang Pulisya ay hindi titigil sa pagpapaigting kontra iligal na droga para sa seguridad at kaligtasan ng komunidad.
