Tiklo ang isang Newly Identified Drug Personality sa isinagawang buy-bust operation ng mga operatiba ng Malaybalay City Police Station sa Purok 21, Casisang, Malaybalay City, Bukidnon nito lamang Oktubre 7, 2024.
Kinilala ni Police Lieutenant Colonel Virgilio David Cruz, Hepe ng Malaybalay City Police Station, ang suspek na si alyas “Ronron”, 44 anyos, residente ng nasabing lugar.
Bandang 4:38 ng hapon nang ikasa ang operasyon ng mga operatiba ng Malaybalay City Police Station – City Drug Enforcement Unit na nagresulta sa pagkakaaresto sa suspek at pagkakakumpiska ng mga pakete ng hinihinalang shabu na may kabuuang bigat na 2.24 na gramo na may street value na Php10,700 at isang Php500 bill na ginamit bilang buy-bust money.
Nahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Ang pagkakadakip ng suspek ay bunga ng walang humpay na kampanya kontra ilegal na droga ng Malaybalay City PNP upang panatilihing ligtas at payapa ang nasasakupang komunidad.
