Isinagawa ang makabuluhang seremonya, upang pormal na magbigay-pugay kay Police Brigadier General Christopher N. Abrahano, Regional Director ng Police Regional Office 13 sa pamamagitan ng New Year’s Call na ginanap sa Multi-Purpose Center, Camp Col Rafael C Rodriguez, Butuan City nito lamang Enero 21, 2025.
Dumalo sa nasabing okasyon ang PRO13 Command Group, Regional at Personal Staff, mga Provincial at City Director, mga hepe ng Regional Administrative at Operational Support Units, mga hepe ng limang Component City Police Stations, at mga Force Commander ng Regional Mobile Force Battalion 13 at Provincial Mobile Force Companies.
Ang New Year’s Call ay taunang tradisyon ng Philippine National Police (PNP) na nagbibigay pagkakataon sa mga nakabababang lider upang ipakita ang kanilang paggalang at katapatan sa kanilang pinuno.
Kasama rin sa pagdiriwang ang mga asawa ng mga opisyal na kalahok sa programa.
Sa kanyang talumpati, binigyang-diin ni PBGen Abrahano ang kahalagahan ng pagkakaisa at pag-unlad.
“Let us move forward, ready to make this year a brighter and more transformative chapter for PRO13 and the people of the Caraga region.”
Panulat ni Pat Karen Mallillin
