Negros Oriental – Muling nakiisa ang mga tauhan ng Negros Oriental Police Provincial Office sa isinagawang Simultaneous Coastal Clean-up Drive sa Banica River, Dumaguete City, Negros Oriental nito lamang ika-10 ng Hunyo 2023.
Pinangunahan ito ni Police Colonel Alex Recinto, Acting Provincial Director. Negros Oriental PPO, katuwang ang BFP, Provincial Environment and Natural Resource Office (PENR), Barangay Officials ng Tinago at Canday-ong, Dumaguete City sa pangunguna ni Roger Bohol at residente ng nasabing lugar.
Sama-sama at tulong-tulong ang mga nasabing grupo sa paglilinis ng ilog kung saan nakalikom ang mga ito ng sako-sakong mga basura.
Ang nasabing aktibidad ay may temang “No to Waste: Advancing Circular Economy to #beatplasticpollution” naglalayong palawakin ang pagpapahalaga sa kalinisan ng kapaligiran at kalikasan.
Patuloy ang iba’t ibang ahensya ng pamahalaan lalong lalo na ang PNP sa pag-aalaga ng kalikasan sa pamamagitan ng mga ganitong aktibidad upang makaiwas sa baha at anumang uri ng sakuna dulot ng maruming kapaligiran at nakakalbong kalikasan.
