Sibulan, Negros Oriental – Nagpaabot ng donasyon na bagong set ng instruments at music equipment ang mga miyembro ng Public Safety Mutual Benefit Fund, Incorporated (PSMBFI) para sa musical band ng Negros Oriental Police Provincial Office (NOPPO) sa Camp Francisco C Fernandez Jr, Aga-an noong Lunes, ika 23 ng Mayo 2022.
Ang naturang donasyon ay personal na tinanggap ni PCol Germano Mallari, Provincial Director ng Negros Oriental Police Provincial Office na nagmula mismo sa kabutihang loob ng PSMBFI.
Taos pusong pinuri ni PCol Mallari ang kabutihang loob ng Public Safety Mutual Benefit Fund Incorporated maging sa kanilang walang sawang suporta at kooperasyon para sa kapakanan at benepisyo ng lahat ng tauhan ng pulisya sa lalawigan ng Negros Oriental.
Ipinaabot ni PCol Mallari ang kanyang pasasalamat na pagkilala at pagpapahalaga sa mabuting malasakit ng PSMBFI.
Hinikayat naman ni PCol Mallari ang iba pang non-stock at non-profit na mga loan at asosasyon ng insurance na maging huwaran ang suporta ng mga stakeholder sa PNP lalo na sa mga tauhan ng lalawigan.
###
