Nasakote ng Tactical Motorcycle Riding Unit (TMRU) ng Las Piñas City Police Station ang isang armadong suspek sa pagnanakaw na naganap dakong 12:45 ng tanghali sa Las Piñas City nito lamang Huwebes, Hunyo 20, 2024.
Ayon kay National Capital Region Office Regional Director, Police Major General Jose Melencio C Nartatez Jr, nakatanggap ng tawag sa telephono ng naturang istasyon mula sa biktima na agad nirespondehan ng TMRU.
Napag-alaman na ang biktima ay residente ng Olivarez Guevarra Subdivision, Barangay Manuyo Dos, Las Piñas City.
Ang suspek ay pumasok sa compound ng biktima sa pamamagitan ng pag-scale sa pader. Nakuha pa ng suspek na pisikal na saktan ang biktima at naagaw nito ang 9mm Parabellum pistol mula sa biktima at mabilis na tumakas.
Kaagad humingi ng tulong ang biktima sa nakapatrolyang TMRU. Nagkaroon pa ng habulan at nagpaputok ang suspek na sanhi ng pagkakaroon ng tama ng bala sa may bandang paa nina Police Master Sergeant Avelino Lopez at Police Master Sergeant Warren Bong Panton na kasalukuyang nagpapagaling sa Las Piñas Doctors Hospital.
Binisita naman ni Department of Interior and Local Government Secretary Atty. Benjamin “Benhur” C. Abalos, Jr., kasama si Chief, Philippine National Police, Police General Rommel Francisco D Marbil at Regional Director PMGen Nartatez Jr., ang dalawang sugatang tauhan ng PNP at kinilala ang pambihirang katapangan sa pagpapakita ng katapangan sa harap ng matinding panganib sa pamamagitan ng pagkakaloob sa kanila ng mga prestihiyosong parangal tulad ng Medal of Valor, Medal of Merit at PNP Wounded Medal.
Source: National Capital Region Police Office-PIO
Panulat ni PSSg Remelin M Gargantos
