Aklan – Bangkay na ng matagpuan ang nawawalang leader ng Malaynon Ati Tribe Association matapos ang walang tigil at puspusang Search, Rescue and Retrieval Operations sa Sitio Angol, Brgy. Manocmanoc, Boracay Island, Malay, Aklan, kahapon, ika-08 ng Abril 2023.
Kinillala ni Police Major Leopoldo Booc Jr., Chief ng MARPSTA Aklan, ang biktimang si Ernesto Coching, 64, residente ng Brgy. Cubay Sur, Malay, Aklan at ang kasama nitong si Ricky Valencia, 37, residente ng parehong lugar.
Si Coching ay naiulat na nawawala noong Miyerkulas, Abril 05, matapos ang nangyaring banggaan sa karagatan ng Boracay Island, habang ang kasama nitong si Valencia ay na-rescue at nadala sa ospital.
Ayon sa Maritime Police Station ng Malay, Aklan, nangyari ang insidente dakong alas 9:50 PM, Abril 5, nang makabanggaan ng isang Shangri-La speedboat na minamaniubra ni Mansueto D Tana ang isa pang motorized fishing boat na minamaneho naman ni Ernesto Coching at ang kasama nitong si Ricky Valencia.
Noong Abril 08 ay pinangunahan mismo ni DILG Secretary Banjamin “Berhur Abalo, Jr. kasama ang PNP Aklan sa pangunguna ni PCol Crisaleo Tolentino, PCG at Malay MDRRMO ang naturang Search, Rescue ad Retrieval Operations upang mahanap ang nawawalang biktima.
Samantala, ang kapitan naman ng Shangri-La speedboat na si Mansueto Tana, ay naaresto noong Abril 6 at kasalukuyang nasa custodial facility ng PCP 5 ng Malay Municipal Police Station habang inihahanda ang kasong kanyang kakaharapin.
