Nagbigay ng agarang tulong ang mga tauhan ng Naval Municipal Police Station, sa pamumuno ni PMaj Sherwin Amando L. Machete, Chief of Police, sa isang ina na nanganak sa Barangay Atipolo, Naval, Biliran noong Marso 16, 2026, bandang 6:30 ng umaga.
Ang mga rumespondeng pulis na sina Pat Arnel Aragon, Pat John Kyle Avelino, at Pat Jericho Dela Peña, sa pangunguna ni PCpl Allan L. Acre Jr., Beat Patroller PNCO, ay agad na tumulong sa ina habang siya ay nanganganak. Matapos ang matagumpay na panganganak, nilinis ang sanggol at binalot ng tela upang mapanatiling mainit at ligtas.
Agad ding dinala ng mga pulis ang ina at ang kanyang bagong silang na sanggol sa Biliran Provincial Hospital upang mabigyan ng tamang medikal na atensyon.
Ipinapakita ng insidenteng ito ang dedikasyon at malasakit ng mga tauhan ng Naval MPS sa pagbibigay ng mabilis at makataong serbisyo sa komunidad, alinsunod sa misyon ng PNP na maglingkod at magprotekta sa mamamayan sa lahat ng oras.
Source: Naval Pnp / https://www.facebook.com/share/p/1PuYuyUzo3/
