Camp Crame, Quezon City – Ginunita sa Kampo Crame ang National Police Remembrance Day 2022 na pinangunahan ni Police General Rodolfo S Azurin Jr., Chief, Philippine National Police, na ginanap sa Bantayog ng mga Bayaning Tagapamayapa, Camp BGen Rafael T Crame nito lamang Martes, Oktubre 4, 2022.
Ang naturang selebrasyon ay sinimulan ng “Police Prayer” mula sa kinatawan ng Australian Federal Police, Federal Agent Simon Johnson, Liaison Officer.
Nagbigay naman ng mensahe si Detective Superintendent Andrew Perkins-Senior Officer, Australian Federal Police to the Philippines, sa lahat ng mga miyembro ng Philippine National Police at Australian Federal Police na nagsakripisyo ng kanilang sariling buhay alang alang sa kaligtasan ng mamamayan.
Samantala, sa mensahe ni PGen Azurin, ginunita ang lahat ng miyembro ng Pambansang Pulisya na inalay ang sariling buhay para ipaglaban ang kalayaan na walang hinihinging kapalit upang mapanatili ang kalayaan ng ating bansa.
Pinasalamatan din niya ang pamilya ng mga yumaong mga pulis sa walang sawang pagsuporta sa PNP at hinikayat ang suporta ng lahat upang mas mapagtibay ang bilateral partnership sa bansang Australia upang labanan ang terorismo at iba pang national crime sa ating bansa at kalakhang bahagi ng Asia-Pacific.
Nag-alay din ng isang minutong katahimikan upang ipagdasal ang lahat ng yumaong miyembro ng PNP at Australian Federal Police na sinundan na man ng wreath-laying at nagtapos ng 21-Gun Salute.
Panulat ni Police Staff Sergeant Grace Neville Ortiz
