Sarangani Province – Arestado ng PNP ang isang National Most Wanted Person sa Sitio Pitak, Brgy. Daan Suyan, Malapatan, Sarangani Province nito lamang ika-31 ng Enero 2023.
Kinilala ni Police Brigadier General Jimili L Macaraeg, Regional Director ng Police Regional Office 12, ang suspek na si alyas “Emer”, 49, magsasaka, at residente ng Sitio Acmaging, Barangay Daan Suyan, Malapatan, Sarangani Province na tinaguriang National Most Wanted Person na may reward money na Php140,000.
Ayon kay PBGen Macaraeg, naaresto ang suspek sa bisa ng Warrant of Arrest sa kasong Murder at narekober pa sa kanyang pangangalaga ang isang Armscor air rifle, isang Caliber 38 revolver, isang 45 pistol, mga magazine at mga bala.
Ayon pa kay PBGen Macaraeg, naaresto ang suspek ng pinagsamang tauhan ng Malapatan MPS, Regional Mobile Force Battalion 12 at iba pang unit ng kapulisan sa Sarangani Province.
Patuloy ang pagtugis ng kapulisan ng PRO 12 sa mga Most Wanted upang maging ligtas ang mga mamamayan ng Rehiyon Dose.
Panulat ni Patrolman Jerrald Gallardo
