Cebu City – Hindi bababa sa 150 BISDAK Cops ng Police Regional Office 7 ang aktibong lumahok sa bloodletting program ng Philippine Red Cross na may temang “Bloodletting: Dugo Mo, Buhay Ko” na ginanap sa Philippine Red Cross, Cebu Chapter, Osmeña Blvd., Cebu City.
Katuwang ng PNP PRO7 sa aktibidad ang mga miyembro ng Rotaract District 3860, at Cebu Fuente Rotary Club na hangad na makatulong at makapagligtas ng mga buhay sa pamamagitan ng pagbibigay ng dugo.
Sa pahayag ng PRO 7, ipinaabot ni Police Brigadier General Anthony Aberin, PRO7 Regional Director, ang kanyang pasasalamat sa mga katuwang na ahensya nito na nakipag-ugnayan sa PNP na palawigin ang suporta nito sa komunidad sa aspetong pangkalusugan.
“I commend you for your selfless act of solidarity for the well-being of our community in need. This is concrete proof that police officers save lives in all possible forms,” pahayag ni PBGen Aberin.
Source: PRO 7 Press Release
