Camp Ruperto Kangleon, Palo, Leyte – Ayon sa Police Regional Office 8 sa pangunguna ni PBGen Bernard Banac, Regional Director, naging mapayapa at maayos ang pangkalahatang takbo ng halalan sa buong Eastern Visayas noong Lunes, Mayo 9, 2022.
Sa kabila ng napabalitang may mga Vote-Counting Machines ang hindi gumagana sa iilang lugar sa rehiyon ay wala namang naitalang hindi kanais-nais na insidente sa mga polling centers sa araw mismo ng halalan.
Mula nang magbukas ang pagboto ng 6:00 ng umaga hanggang sa pagsasara nito ng 7:00 ng gabi ay walang naitalang hindi kanais-nais na insidente sa mga polling center.
Ang presensya ng mga tauhan ng PNP ay naramdaman ng bumobotong publiko habang pinadami pa ni PBGen Banac ang mga nakadeploy na mga tauhan ng PRO 8 sa lahat ng lugar lalo na sa mga paaralan kung saan naganap ang pagboto.
Samantala, walang naiulat na failure of election sa alinmang probinsya ng Eastern Visayas.
Mensahe ni RD Banac, “Sa huli, nagpapasalamat ako sa Panginoon sa paggabay sa amin sa buong proseso ng halalan. Taos-puso akong nagdarasal na ang botohan na ito ay matapos nang mapayapa. Nais ko ring samantalahin ang pagkakataong ito upang pasalamatan ang lahat ng ating mga katapat sa gobyerno at mga stakeholder na sumuporta sa atin mula noong simula ng panahon ng halalan. Sa ating magigiting na men in uniform sa ating hanay, ang aking saludo sa bawat isa sa inyo sa mabilis na pagtupad sa inyong mga tungkulin sa halalan”.
Mananatiling matatag ang PRO8 sa pagbibigay ng security coverage para sa canvassing ng mga opisyal na boto hanggang sa proklamasyon ng mga nanalo.
###
Panulat ni Patrolwoman Rialyn B Valdez
