Kawit, Cavite – Isinuko ng isang residente sa Kawit PNP ang natagpuang Unexploded Ordnance (UXO) sa tabing ilog ng Brgy. San Sebastian, Kawit, Cavite nito lamang Lunes, Setyembre 19, 2022.
Ayon kay Police Colonel Christopher Olazo, Officer-In-Charge, Cavite Police Provincial Office, natagpuan ni Bernard Jose Dionicio Iborde at katrabaho nito ang mga UXO habang
naghuhukay sa tabing-ilog ng nabanggit na barangay.
Dagdag pa ni PCol Olazo, ang 45 pirasong M203 Unfired Grenade Launcher Ammunition ay ipinagkatiwala na sa Explosive and Ordnance Unit para sa tamang proseso ng pangangalaga.
Ito ay nagpapatunay na napakahalaga ng papel ng mamamayan sa pagbuo at pagpapanatili ng kaligtasan, kaayusan at kapayapaan ng komunidad.
Source: Cavite Police Provincial Office-PIO
Panulat ni Police Staff Sergeant Donabel Dulin
