Nasa pangangalaga na ngayon ng Commission on Elections ang kagamitan na nakatakdang gamitin sa Mayo 12, 2025 National and Local Elections sa Bayan ng Narra, Palawan na naihatid nitong ika-30 ng Abril 2025.
Lulan ang mga election paraphernalia ng isang F2 logistics truck kung saan ito ay sinigurong ligtas na maihahatid sa Comelec Office sa pamamagitan ng pagpapaigting ng seguridad ng mga tauhan ng Narra PNP.
Kabilang sa mga kagamitang ito ay ang 61 Automated Counting Machine (ACM), 60 na baterya at isang (1) Consolidation and Canvassing System o CCS Kit.
Patuloy umanong makikipagtulungan ang pulisya sa pagbabantay upang matiyak ang kaligtasan ng mga election paraphernalia na gagamitin sa nalalapit na halalan sa 2025.
Source: Bandera News TV Philippines
