Isinagawa ang Entrance Briefing para sa NAPOLCOM Inspection at Assessment Activity para sa taong 2025 sa Davao Oriental Police Provincial Office (PPO), Mati, Davao Oriental nito lamang Lunes, Abril 7, 2025.
Pinangunahan ni Police Colonel Julius E Silagan, Provincial Director ng Davao Oriental PPO, ang pagtanggap kay Dir. Julieta P. Raneses, MNSA, CESO IV, Regional Director ng NAPOLCOM 11, at iba pang bisita at stakeholders.
Ang aktibidad na ito ay nagmarka ng pagsisimula ng opisyal na inspeksyon at pagsusuri ng NAPOLCOM sa performance, operasyon, at kabuuang kahandaan ng Davao Oriental PPO para sa darating na taon.
Ang briefing ay nagsilbing pagpapakilala sa proseso ng pagsusuri na naglalayong mapahusay ang transparency, accountability, at operational efficiency sa loob ng hanay ng pulisya.
Ang kaganapang ito ay isang malinaw na pagpapakita ng dedikasyon ng Davao Oriental Police na patuloy na magbigay ng mataas na kalidad ng serbisyo sa kanilang mga nasasakupan.
Panulat ni Pat Shairra Rose A Aquino
