Leyte – Mainit na tinanggap ng mga tauhan ng Leyte Police Provincial Office si National Police Commission (NAPOLCOM) Commissioner, Atty. Beatrice Aurora A. Vega-Cancio sa kanyang Executive Visit sa Leyte Police Provincial Office Headquarters, Kuta Kankabato, San Jose, Tacloban City noong Setyembre 22, 2022.
Ayon kay Police Colonel Edwin C Balles, Provincial Director ng LPPO, bandang 2:39 ng hapon bumisita si Commissioner Cancio kasama si Police Brigadier General Rommel Francisco D Marbil, Regional Director na pinagkalooban ng Foyer Honors ng mga men and women ng LPPO na kinakatawan ni Police Lieutenant Colonel Alex F Daaco, Deputy Provincial Director for Administration.
Ang pagbisita ni Atty Cancio ay naglalayong personal na masuri ang sitwasyon ng mga tanggapan ng pulisya na tiyak na makakatulong sa paggawa ng patakaran ng komisyon. Nilalayon din ng kanyang pagbisita na magsilbing paalala sa lahat na ang PNP at NAPOLCOM ay nagkakaisa sa ilalim ng iisang command at ang NAPOLCOM ay may administrative control sa PNP.
Sa kanyang mensahe, pinuri ni Commissioner Cancio ang LPPO sa mga hindi matatawarang tagumpay na suportado ng Provincial Administrative Support Unit (PASU) at Provincial Operations Support Unit (POSU) para sa pagbabago ng mga estratehiya at diskarte nito upang labanan ang lahat ng hamon sa organisasyon.
Dumalo rin sa nasabing pagbisita sina Atty Maximo T. Lasaca, NAPOLCOM Regional Director, RO8; Atty Rowel Quirobines, Assistant RD, NAPOLCOM; LPPO Staff pati na rin ang mga PNCO at NUP.
Mensahe ni PCol Balles, “Kami ay nagagalak at nagpapasalamat sa pagbisita ni Commissioner Cancio, dahil ito ay isang magandang pagkakataon para marinig namin ang kanyang patnubay at direktiba sa policing system upang mas mapagsilbihan ang aming mga nasasakupan sa lalawigan ng Leyte”.
Panulat ni Patrolwoman Rialyn B Valdez
