Mlang, North Cotabato – Nagsagawa ng ocular inspection ang National Police Commission 12 para sa pagpapatupad sa alituntunin sa pagkakaroon at pagsasagawa ng PNP-COMELEC Checkpoint sa National Highway, Brgy. Poblacion, Mlang, North Cotabato noong Mayo 4, 2022.
Ito ay pinangunahan ni Police Inspector III Jeremias Galanto Jr., Team Leader, kasama si Brian Bingil, Police Inspector II, kapwa sa ilalim ng pangangasiwa ni NAPOLCOM 12 Regional Director Rodel Calo.
Kabilang din sa dumalo si Local Election Officer Mario Jaranilla, COMELEC Officer III sa nasabing inspeksyon.
Bago nagsimula ang kanilang inspeksyon, nag-courtesy call muna ang NAPOLCOM 12 Inspectors kay PLtCol Realan Mamon, Chief of Police ng Mlang Municipal Police Station sa kanyang opisina kung saan sila ay binigyan ng kinakailangang impormasyon kaugnay sa mga operasyon ng Checkpoint sa AOR.
Inihayag din ni PLtCol Mamon ang kanyang plano at aksyon para lalong paigtingin ang checkpoint operations sa kanyang AOR lalo na ngayong nalalapit na ang araw ng National and Local Elections 2022.
Layunin nito na mapatupad ng maayos ng kapulisan ang pagbabantay seguridad sa araw ng halalan.
Source: PRO 12 Mlang Municipal Police Station
Panulat ni Patrolwoman Sherie-ann Masi
