Isabela – Nagsagawa ng KASIMBAYANAN Activity ang Naguilian Police Station sa ilalim ng pamumuno ni Police Major Junneil Perez na ginanap sa Brgy. Magsaysay, Naguilian, Isabela noong ika-21 ng Mayo 2023.
Pinangunahan ang aktibidad ni Police Captain Soleil B Guillermo, katuwang si Rev. Father Jacob Pauig ng Philippine Independent Catholic Church, Brgy. Magsaysay, Naguilian, Isabela at Barangay Officials ng Brgy. Magsaysay sa pangunguna ni Ret. Police Colonel Vicente D Valdez Jr.
Tinalakay dito ang tungkol sa mga suliranin ng naturang barangay at kung paano ito masolusyunan.
Nagpahayag din si Rev. Father Pauig ng salita ng Diyos at nagbigay payo sa mga kapulisan at Barangay Officials.
Layunin ng aktibidad na mapaigting ang ugnayan ng kapulisan sa komunidad para sa pagsulong ng mga programa at aktibidad ng Pambansang Pulisya.
Source: Naguilian PS
Panulat ni PSSg Jerlyn V Animos
