Naga City – Nakiisa ang mga tauhan ng Naga City Mobile Force Company sa isinagawang City-Wide Clean-up Drive sa Naga City nitong Sabado Setyembre 3, 2022.
Ang naturang aktibidad ay pinangunahan ni PLtCol Rommel B Labarro, Force Commander, katuwang ang mga tauhan ng Police Stations 1-6 ng Naga City Police Office, tauhan ng Bureau of Fire Protection at mga empleyado ng Lokal na pamahalaan ng Naga.
Nagsimula ang grupo sa paglilinis sa kahabaan ng Gainza-Mabolo Road hanggang Felix Plazo Bridge at nagtapos sa Abella-Camaligan Road ng Lungsod na ito.
Ang nasabing aktibidad ay bilang paghahanda sa nalalapit na Peñafrancia Festival kung saan dadagsa ang mga deboto at bibisita sa pinakamalaking Marian Pilgrimage sa buong Asya.
Source: Naga CMFC
Panulat ni Pat Jomar Danao
