La Union – Arestado ang isang babae sa kasong paglabag sa Art. 315 of the Revised Penal Code o ang Swindling (Estafa) matapos magsagawa ng manhunt operation ang kapulisan ng Aringay, La Union nito lamang ika-16 ng Oktubre 2023.
Kinilala ni Police Major Antonio Dasalla Jr., Hepe ng Aringay Municipal Police Station, ang suspek na si Mercy, 60, businesswoman, tinaguriang Top 2 Most Wanted Person sa Municipal Level at residente ng Brgy. Poblacion, Aringay, La Union.
Ayon pa kay Police Major Dasalla, ang suspek ay nahuli bandang 12:00 ng tanghali sa Brgy. Poblacion Aringay, La Union sa bisa ng awarrant of Arrest para sa kasong Estafa na may inirekomendand piyansa na Php200,000.
Samantala, pinapayuhan naman ng mga awtoridad ang publiko na mag-ingat sa mga tao o organisasyon na nag-aalok ng mga “investment opportunities” na ilegal at hindi rehistrado.
Source: Aringay MPS
Panulat ni PCpl Johndel Supremo
