Arestado ng Regional Special Operations Group (RSOG) 11 sa isinagawang operasyon ang tinaguriang Most Wanted Person sa Municipal Level sa Sitio Lubo, Barangay Zone 1, Sta. Cruz nito lamang ika-14 ng Disyembre, 2024.
Kinilala ni Police Major Maynard D Pascual, Chief ng RSOG 11, ang suspek na si alyas “Dodong”, 25 anyos at residente ng nasabing lugar.
Naging matagumpay ang operasyon sa pagsisikap ng Provincial Intelligence Unit at Sta. Cruz Municipal Police Station.
Ang suspek ay mahaharap sa kasong Rape Through Sexual Assault.
Sa kabila ng mga pagsubok sa pagpapatupad ng batas, patuloy na nagsasagawa ng serye ng operasyon ang Police Regional Office 11 upang matiyak ang kaayusan at kapayapaan sa bawat komunidad, lalo na ngayong kapaskuhan.
Panulat ni Pat Shairra Rose A Aquino
