Kasibu, Nueva Vizcaya – Namatay ang isang Municipal Councilor sa vehicular accident sa Purok 2 Barangay. Bua, Kasibu, Nueva Vizcaya nito lamang araw, Hunyo 10, 2022.
Ayon kay Police Lieutenant Edwin Bartido, Officer-in-Charge ng Kasibu Police Station, kinilala ang Municipal Councilor na si Alfredo Dulnuan Tucpi II, 49, may asawa, residente ng Barangay Poblacion, Kasibu, Nueva Vizcaya, at isang Sangguniang Bayan ng Kasibu.
Batay sa report ng mga otoridad, minamaneho ni Tucpi ang kanyang silky gold mica metallic Toyota fortuner na may plate number UNQ 901, nang biglang nawalan ng kontrol sa kurbadang kalsada at nahulog sa creek partikular sa pagitan ng mga poste ng kilometro 266 at 265 sa nabanggit na lugar.
Rumesponde ang mga tauhan ng Kasibu PS, Bureau of Fire Protection-Kasibu at Municipal Disaster and Risk Reduction Management Office at agad dinala ang biktima sa Kasibu Municipal Hospital subalit idineklara na itong Dead on Arrival ni Dr. Jerameel B Bahni, attending physician.
Patuloy naman ang pagpapayo ng Pambansang Pulisya sa mga nagmamaneho na ugaliing sundin ang mga Safe Driving Tips upang maiwasan ang aksidente sa kalsada.
Source: Kasibu Police Station
###
Panulat ni Police Corporal Carla Mae P Canapi
