Davao City – Arestado ang isang Most Wanted Person sa patuloy na isinasagawang Manhunt Charlie operation ng tauhan ng Bunawan PNP sa Purok 2 Brgy. Bunawan Davao City, noong Oktubre 17, 2022.
Kinilala ni PMaj Robel Saavedra, Station Commander ng Bunawan Police Station, ang suspek na si alyas “Elsie”, 34, residente ng Brgy. Ilang Davao City na tinaguriang Most Wanted Person sa Station Level.
Ayon kay PMaj Saavedra, naaresto ang suspek sa bisa ng Warrant of Arrest sa kasong Attempted Murder na inihain ng tauhan ng Bunawan PS na may kaukulang piyansa na Php120,000.
Ang Police Regional Office 11 ay patuloy sa pagsasagawa ng Manhunt Charlie operation upang mahuli ang mga wanted person sa rehiyon.
Panulat ni Patrolman Alfred Vergara
