Arestado ang isang Most Wanted Person sa Lalawigan ng Rizal sa isinagawang operasyon ng mga tauhan ng Binangonan Municipal Police Station sa Binangonan Municipal Hall, Manila East Road, Binangonan, Rizal nito lamang ika-25 ng Marso, 2025.
Kinilala ang suspek na si alyas “Binggoy” na residente ng Binangonan, Rizal.
Naaresto ang suspek sa bisa ng Warrant of Arrest para sa kasong paglabag sa Republic Act 9165 o “Comprehensive Dangerous Drugs Act of 2002” na walang inirekomendang piyansa.
Samantala, ang suspek ay kasalukuyang nakakulong sa Bureau of Jail Management and Penology sa Binangonan, Rizal upang harapin ang kasong inihain laban sa kanya.
Ang operasyong ito ay nagpapakita ng dedikasyon ng ating mga kapulisan na mahuli ang mga taong may pananagutan sa batas upang mabigyang hustisya ang naging biktima nito.
Panulat ni Patrolwoman Pricelle May T Urbano
