Tagkawayan, Quezon – Arestado ang isang most wanted na suspek sa kasong Sexual Assault sa isinagawang Manhunt Operation ng Quezon PNP nito lamang Lunes, Hunyo 27, 2022.
Kinilala ni Police Major Marcelito Platino, Chief of Police ng Tagkawayan Municipal Police Station, ang suspek na si Manolo Antony y Alvarez, 62 at residente ng Brgy. Sta. Cecilia, Tagkawayan, Quezon.
Ayon kay PMaj Platino, bandang 8:50 ng umaga naaresto ang suspek sa Brgy. Poblacion, Tagkawayan, Quezon ng pinagsanib na puwersa ng Tagkawayan Municipal Police Station at 2nd Quezon Provincial Mobile Force Company.
Ayon pa kay PMaj Platino, naaresto ang suspek sa bisa ng Warrant of Arrest sa kasong Sexual Assault ng Paragraph 2, Article 266-A of the Revised Penal Code in Relation to Sec 5(b) ng Republic Act 7610 o Special Protection of Children Against Abuse, Exploitation and Discrimination Act na may inirekomendang piyansa na Php180,000.
Ang tagumpay ng PNP laban sa mga may pananagutan sa batas ay bunga ng pinaigting at aktibong pakikipagtulungan ng mamamayan para mapanatiling ligtas at maayos ang komunidad.
Source: Tagkawayan Municipal Police Station
###
Panulat ni Police Executive Master Sergeant Joe Peter Cabugon
