Davao del Sur – Arestado ang isang lalaki sa patuloy na isinasagawang Manhunt Charlie operation ng Matanao PNP sa kasong Rape at Robbery sa Sitio New Bohol, Balutakay, Brgy. Managa, Bansalan, Davao del Sur, noong Agosto 23, 2022.
Kinilala ni PCpt Flor Daisy Angga, Acting Chief of Police ng Matanao Municipal Police Station, ang suspek na si alyas “Ronie”, 32, residente ng Purok Lubi, Brgy. Managa, Bansalan, Davao del Sur na tinaguriang Most Wanted Person.
Ayon kay PCpt Angga, naaresto ang suspek sa bisa ng Warrant of Arrest sa kasong Robbery na may Php100,000 na inirekomendang piyansa at Rape ng Republic Act 8353 na walang inirekomendang piyansa.
Dagdag pa ni PCpt Angga, naaresto ang suspek ng pinagsamang tauhan ng Matanao MPS kasama ang Bansalan MPS at 2nd Davao Sur Provincial Mobile Force Company katuwang ang 1104th, Regional Mobile Force Battalion.
Ang Police Regional Office 11 ay patuloy sa pagsasagawa ng Manhunt Charlie operation sa rehiyon upang mahuli ang lahat ng most wanted person sa rehiyong onse sa pamumuno ni PBGen Benjamin Silo Jr., PRO11 Regional Director.
###
Panulat ni Patrolman Alfred Vergara
