Arestado ng mga awtoridad ang isang lalaking Most Wanted Person na may kasong Rape by Sexual Assault sa Barangay San Roque, Oras, Eastern Samar nito lamang ika-28 ng Setyembre 2024.
Kinilala ni Police Captain Baby Eli C Tabale, Officer-In-Charge ng Oras Municipal Police Station, ang suspek na si alyas “Rodi”, 66 anyos at residente ng Barangay San Roque, Oras, Eastern Samar.
Bandang 1:30 ng hapon nang maaresto ang suspek ng pinagsamang mga tauhan ng Oras MPS at San Policarpio MPS, kasama ang 801st Maneuver Company, Regional Mobile Force Battalion 8 at Eastern Samar Police Provincial Office-Provincial Intelligence Unit sa bisa ng Warrant of Arrest para sa kasong Rape by Sexual Assault ng article 266-A ng Republic Act 8353 kaugnay sa RA 7610 o “Special Protection of Children Against Abuse, Exploitation and Discrimination Act” na walang piyansa.
Ang dedikasyon ng ating kapulisan at sa tuloy-tuloy na suporta ng publiko ang naging bunga ng matagumpay na pagkakahuli sa taong may pananagutan sa batas upang mabigyang hustisya ang naging biktima nito. Dahil sa Bagong Pilipinas ang gusto ng pulis ligtas ka!.
Panulat ni Patrolwoman Ma. Elena B Singian
