South Cotabato – Hawak na ng Tupi PNP ang isang Most Wanted Person sa kasong panghahalay o rape matapos itong maaresto sa Purok 2, Brgy. Miasong, Tupi, South Cotabato nito lamang ika-23 ng Enero 2023.
Kinilala ni Police Major Rafael Banggay Jr., ang dinakip na suspek na si alyas “Jude”, 27, at residente ng nasabing lugar.
Ayon kay PMaj Banggay Jr., naaresto si Jude bandang 1:30 ng hapon ng mga operatiba ng Tupi Municipl Station (lead unit), South Cotabato Police Provincial Office, Regional Police Drug Enforcement Unit 12, 1205th Coy Regional Mobile Force Battalion 12 at 1st South Cotabato Provincial Force Maneuver Company.
Naaresto ang suspek sa bisa ng Warrant of Arrest sa kasong rape na walang inirekomendang piyansa.
Ang Pambansang Pulisya ay patuloy na gagampanan ang tungkulin na panatilihing maayos at ligtas ang komunidad laban sa mga taong may pagkakasala sa batas.
Panulat ni Patrolman Khnerwin Jay A Medelin
