Carigara, Leyte –Naaresto ang isang lalake na Top 1 Municipal Level at Top 7 Provincial Level Most Wanted Person sa manhunt operation ng mga operatiba ng Carigara sa Barangay Ponong, Carigara, Leyte nito lamang Miyerkules, Marso 2, 2022.
Ayon kay Police Major Ambrocio Demain, Acting Chief of Police ng Carigara Municipal Police Station, ang naarestong suspek ay hindi pinangalanan, may edad na 66, at residente ng Brgy. Jugaban, Carigara, Leyte.
Ayon pa kay PMaj Demain, naaresto ang suspek sa bisa ng Warrant of Arrest sa kasong Rape (4 counts) na inilabas ni Hon. Emelinda R. Maquilan, Presiding Judge ng Regional Trial Court Branch 13 at Hon. Lauro Andres P. Castillo, Branch Executive Judge at walang inirekomendang piyansa.
Tiniyak ni Police Colonel Edwin Col-Long Balles, Acting Provincial Director ng Leyte Police Provincial Office na hindi titigil ang mga kapulisan ng Leyte sa kanilang kampanya laban sa kriminalidad upang mabigyan ng payapa at ligtas na komunidad ang mga Leytehanon.
###
Panulat ni Patrolwoman Rialyn Valdez
