Valenzuela City — Arestado ang isang lalaki na tinaguriang Most Wanted Person ng Valenzuela City Police Station umaga ng Biyernes, May 13, 2022.
Kinilala ni Police Colonel Ramchrisen Haveria Jr, Hepe ng nasabing istasyon, ang suspek na si Everlette Caparas y Mondoyo, 31, residente ng Compound 2, Sitio Kabatuhan, Gen. T. De Leon, Valenzuela City.
Ayon kay PCol Haveria Jr., nahuli si Caparas bandang alas 11:15 ng umaga sa 3S Center Gen. T. De Leon, Valenzuela City ng mga tauhan ng Valenzuela CPS.
Ayon pa kay PCol Haveria Jr, naaresto si Caparas sa bisa ng Warrant of Arrest sa kasong pagnanakaw noong taong 2017.
Haharapin ng suspek ang kasong Robbery na may dalawa hanggang anim na taong pagkakabilanggo kung ito man ay mapatunayan sa korte.
Magdaragdag naman ng pwersa ang Valenzuela CPS sa pagbabantay at pagpapatrolya sa kanilang nasasakupan upang masiguro ang kaligtasan ng publiko 24/7 at mahuli ang mga may pananagutan sa batas.
Source: NPD PIO
###
Panulat ni Police Corporal Manuel
