Arestado sa isinagawang manhunt operation ng Iligan City PNP ang isang Most Wanted Person sa kasong pagnanakaw nito lamang ika-23 ng Agosto 2024 sa Barangay Poblacion, Iligan City.
Kinilala ni Police Colonel Reinante B Delos Santos, City Director ng Iligan City Police Office, ang suspek na si alyas “Jeff”, 28 anyos, lalaki, walang asawa at residente ng Barangay Poblacion, Iligan City.
Bandang 9:45 ng umaga nang naaresto ang suspek sa bisa ng Warrant of Arrest sa kasong pagnanakaw.
Nagpapakita lamang ito na hindi titigil ang Iligan PNP sa paghuli sa mga Wanted Persons para sa mas ligtas at payapang nasasakupang komunidad.
