Arestado sa isinagawang manhunt operation ng Iligan City PNP ang isang Most Wanted Person sa kasong pagnanakaw nito lamang ika-6 ng Agosto 2024 sa Barangay Poblacion, Iligan City.
Kinilala ni Police Colonel Reinante B Delos Santos, City Director ng Iligan City Police Office, ang suspek na si alyas “Johny”, 18 anyos, lalaki, walang trabaho at residente ng Purok 3, Barangay Tambacan, Iligan City.
Bandang 3:47 ng hapon nang naaresto ang suspek sa bisa ng Warrant of Arrest sa kasong theft.
Ang matagumpay na operasyon ay nagpapakita ng dedikasyon ng Iligan City PNP sa pagpapanatili ng kapayapaan at seguridad sa ating komunidad.
