La Union – Arestado ng San Juan MPS ang Most Wanted Person sa kasong paglabag sa RA 9262 nitong Martes, Ika-3 ng Enero 2023 sa San Juan, La Union.
Kinilala ni Police Major Napoleon Lango, Hepe ng San Juan Municipal Police Station, ang suspek na si alyas Michael, 24, walang asawa, DIY sale assistant at residente ng Brgy. Cabaroan, San Juan, La Union.
Ayon kay PMaj Lango, bandang 1:35 ng hapon nang maaresto ang suspek na pinangunahan ng San Juan MPS katuwang ang Regional Intelligence Division PRO1 at La Union Provincial Intelligence Unit.
Dagdag pa ni PMaj Lango, naaresto ang suspek sa bisa ng Warrant of Arrest sa kasong RA 9262 na may Php36,000 na nirekomendang piyansa.
Ang operasyon ng PNP ay lalong papaigtingin laban sa mga may pananagutan sa batas.
Source: San Juan MPS
Panulat ni PSSg Marvin Jake Romero
