Davao City – Arestado ang isang Most Wanted Person sa kasong Murder sa Manhunt Charlie Operation ng PNP sa Purok Perfect Harmony, Brgy. Malabog, Paquibato District, Davao City, nito lamang Linggo, Mayo 22, 2022.
Kinilala ni PMaj Pederio, Station Commander, Police Station 7 – Paquibato District, Davao City Police Office, ang suspek na si Jerwin Serundo Montajes, 29, na residente ng Purok. 3, Brgy. Fatima, Paquibato District, Davao City.
Pinangunahan ni PLt Gilcris Toledo, Deputy Station Commander, PS7 ang operasyon sa ilalim ng pangangasiwa ni PMaj Joenel Pederio, Station Commander, PS7, kasama ang 3rd Platoon Stallion City Mobile Force Company (CMFC) sa pangunguna ni PCpt Marc Anthony Egos at 27th Infantry Battalion, Philippine Army sa pangunguna ni Cpt Bryan Bacaling.
Dagdag pa ni PMaj Pederio, ang suspek ay nasa kustodiya na ng nasabing istasyon para sa tamang disposisyon.
Samantala, ang Police Regional Office 11 sa pamumuno ni PBGen Benjamin Silo Jr., Regional Director, PRO11 ay hindi titigil na hulihin ang lahat ng wanted person sa Rehiyong Onse upang mapanatili ang kapayaan at kaayusan nito.
###
Panulat ni Patrolman Preal Cris Edosma
