Davao Oriental – Arestado ang isang lalaki sa patuloy na isinasagawang Manhunt Charlie operation ng mga tauhan ng Mati PNP sa Purok 8, Brgy. Poblacion, Governor Generoso, Davao Oriental, nito lamang Enero 23, 2023.
Kinilala ni Police Lieutenant Colonel Ernesto Gregore, Acting Chief of Police ng Mati City Police Station, ang suspek na si alyas “Henry”, 55, residente ng nasabing lugar na tinaguriang Most Wanted Person.
Ayon kay PLtCol Gregore, inaresto ang suspek sa bisa ng Warrant of Arrest sa kasong Murder na walang piyansang inirekomenda na inihain ng pinagsamang tauhan ng Mati CPS kasama ang 1103rd Maneuver Company Regional Mobile Force Battalion 11 katuwang ang 2nd Davao Oriental Provincial Mobile Force Company.
Patuloy sa pagsasagawa ng Manhunt Charlie operation ang Police Regional Office 11 katuwang ang mamamayan upang matamasa ang kaayusan at kapayapaan sa lungsod tungo sa kaunlaran ng bansa.
Panulat ni Patrolman Alfred Vergara
