Pangasinan – Arestado ng San Nicolas PNP ang Most Wanted Person sa kasong Homicide sa Brgy. Poblacion A, Tayug, Pangasinan nito lamang ika-22 ng Disyembre 2022.
Kinilala ni Police Captain George Banayos Jr, Officer-In-Charge ng San Nicolas Police Station, ang suspek na si alyas Kepz/Kuppit, 24, residente ng Brgy. Nancamaliran, Urdaneta City, Pangasinan.
Ayon kay PCpt Banayos, bandang 1:10 ng hapon nang naaresto ang suspek ng mga operatiba ng Tayug PS, Regional Intelligence Division PRO 1, Provincial Intelligence Unit- Pangasinan PPO, Pangasinan 104th RMFB1 Regional Mobile Force Battalion, 2nd Provincial Mobile Force Company Tayug, Pangasinan.
Dagdag pa ni PCpt Banayos, naaresto ang suspek sa bisa ng Warrant of Arrest sa kasong Homicide at may rekomendadong piyansa na Php120,000 para sa kanyang pansamantalang kalayaan.
Naging matagumpay ang operasyon ng PNP dahil sa patuloy na pakikipagtulungan ng mga mamamayan sa pagpapaigting ng kampanya laban sa mga taong may pananagutan sa batas para sa tahimik at ligtas na pamayanan.
Source: San Nicolas, Pangasinan
Panulat ni PSSg Carmela G Danguecan
