Ilocos Norte – Arestado ng Pasuquin PNP ang Most Wanted Person sa kasong Frustrated Murder sa Pasuquin, Ilocos Norte nito lamang Linggo, ika-12 ng Marso 2023.
Kinilala ni Police Major Julius Basallo, Officer-In-Charge ng Pasuquin Municipal Police Station, ang suspek na si alyas Allan, 47, single, native ng Brgy.8 Bomitog, Banna, Ilocos Norte at residente ng Brgy. 4 Pasaleng, Pagudpud, Ilocos Norte.
Ayon kay PMaj Basallo, bandang 5:25 ng hapon ng maaresto ang suspek ng mga operatiba ng Pasuquin Municipal Police Station katuwang ang Provincial Special Enforcement Team. PIU INPPO, INCIDG, 101st MC, RMFB1, 144 Special Action Company/14 Special Action Battalion at Pagudpud MPS.
Dagdag pa ni PMaj Basollo, ang akusado ay may Warrant of Arrest sa kasong Frustrated Murder na may rekomendadong piyansa na Php200,000.
Ang operasyon ng Pasuquin PNP ay naging matagumpay sa patuloy na pakikipagtulungan ng mga mamamayan sa pagpapaigting ng kampanya laban sa mga taong may pananagutan sa batas.
Source: Pasuquin Municipal Police Station
Panulat ni PSSg Lhenee B Valerio
