Ilocos Sur – Arestado ng San Juan PNP ang isang Most Wanted Person sa kasong Carnapping sa Brgy. Lira, San Juan, Ilocos Sur nito lamang ika-06 ng Nobyembre 2023.
Kinilala ni Police Major Benjamin Raquedan, Officer-In-Charge ng San Juan Municipal Police Station, ang suspek na si Danilo Urbi y Damian, 56, residente ng Brgy. Lira, San Juan, Ilocos Sur.
Ayon kay PMaj Raqueda, bandang 6:52 ng hapon ng maaresto ang suspek sa bisa ng Warrant of Arrest sa kasong Carnapping at may rekomendadong piyansa na Php300,000.
Ang San Juan PNP ay patuloy sa pagsasagawa ng operasyon laban sa mga taong may pananagutan sa batas upang mapanatiling ligtas, tahimik at maayos ang komunidad.
Source: San Juan, Municipal Police Station, Ilocos Sur
Panulat ni Patrolman Dennis P Carinal
