Libungan, Cotabato – Arestado ng mga tauhan ng Libungan Municipal Police Station ang Most Wanted Person (Municipal Level) sa kasong Attempted Rape sa Sitio Misulo, Brgy. Demapaco, Libungan, Cotabato nito lamang ika-30 ng Hulyo 2022.
Kinilala ni PMaj Judgie Barotas, Acting Chief of Police ng nasabing istasyon ang suspek na si Julius Soliminio, 26, walang trabaho at residente ng Sitio Basak, Brgy. Baguer, Libungan, Cotabato.
Ayon kay PMaj Barotas, nakatanggap ng impormasyon ang kanilang istasyon mula sa isang tauhan ng BPATS na nakita ang suspek sa Barangay Demapaco kaya agad na nagsagawa ng Manhunt Charlie Operation ang Libungan MPS upang madakip ang nasabing suspek.
Ayon pa kay PMaj Barotas, naaresto ang suspek sa bisa ng Warrant of Arrest sa kasong Attempted Rape sa ilalim ng Art. 266-A1 na may kaugnayan sa Art. 6 ng Revised Penal Code na may inirekomendang piyansa na Php120,000.
Patuloy naman ang Libungan PNP sa pagpapaigting ng kampanya laban sa mga taong nagkasala sa batas upang managot ang mga ito sa mga kasalanan na kanilang ginawa at mapanatili ang katahimikan at kaayusan ng pamayanan.
###
Panulat ni Patrolwoman Sherie-ann Masi
