Bacoor City, Cavite – Arestado ng mga operatiba ng PNP ang isang Most Wanted Person (Regional Level) sa kasong Attempted Rape (5 Counts) nito lamang Martes, ika-30 ng Agosto 2022.
Kinilala ni Police Lieutenant Colonel Gilbert C Cruz, Acting Chief of Police ng Bacoor City Police Station, ang suspek na si Grant Dale Dumat-ol, 31, may live-in partner, Food Panda Rider, at residente ng Cangmalalag, Larena, Siquijor.
Ayon kay PLtCol Cruz, naaresto ang suspek bandang 11:50 ng gabi sa Barangay Molino VI, Bacoor City, Cavite ng pinagsanib na puwersa ng PNP IG (ISOD) sa pamumuno ni PLt Vincent R Cadiao, Warrant Section ng Bacoor CPS sa pamumuno ni PEMS Fortifer S Ocampo, at Larena MPS ng Siquijor PPO sa pangangasiwa ni PMaj Rex Medrano Ibañez.
Ayon kay PLtCol Cruz, naaresto ang suspek sa bisa ng Warrant of Arrest sa kasong 5 Counts of Attempted Rape na may rekomendadong piyansa na Php200,000 bawat isa.
Dagdag pa ni PLtCol Cruz, naaresto si Dumat-ol sa isinagawang Manhunt Charlie Operation ng PNP na may kaugnayan sa inilunsad na One-Time Big-Time Implementation ng Warrant of Arrest.
Ang matagumpay na operasyon ay bahagi sa mas pinaigting at komprehensibang kampanya ng Pambansang Pulisya laban sa mga wanted individuals na matagal ng nagtatago sa batas.
