Pangasinan – Arestado ng Bayambang PNP ang Most Wanted Person na may kasong paglabag sa RA 6539 nito lamang Miyerkules, Enero 04, 2023.
Kinilala ni Police Lieutenant Colonel Rommel Bagsic, Officer-In-Charge ng Bayambang Police Station, ang suspek na si alyas Rommel, 34, at residente sa Brgy. Manombong Sur, Bayambang, Pangasinan.
Ayon kay PLtCol Bagsic, naaresto ang suspek bandang 2:00 ng hapon sa Brgy. Bani, Bayambang, Pangasinan ng mga operatiba ng Bayambang Police Station katuwang ang Bauan Municipal Police Station.
Ayon pa kay PLtCol Bagsic, naaresto ang suspek sa bisa ng Warrant of Arrest sa kasong paglabag sa RA 6539 o Anti-Carnapping Act of 1972 at mayroong rekomendadong piyansa na Php180,000.
Ang Bayambang PNP ay patuloy sa pagsasagawa ng operasyon laban sa mga taong may pananagutan sa batas upang mapanatiling ligtas, tahimik at maayos ang komunidad.
Source: Bayambang, Police Station
Panulat ni Patrolman Dennis P Carinal
