Bacolod City– Naaresto ang isang lalaking Most Wanted Person na may kasong 3 Counts of Rape sa operasyon ng pulisya sa Barangay Estefania, Bacolod City nito lamang Linggo, Hunyo 26, 2022.
Kinilala ni Police Lieutenant Colonel Santie F Mendoza, Hepe ng CIDG Negros Occidental Provincial Field Unit ang akusado na si Eliseo Reyes y Lingaro alyas “Enting”, 46, may asawa at residente ng Purok Banilad 3, Brgy. Nangka, EB Magalona, Negros Occidental.
Ayon kay PLtCol Mendoza, si alyas Enting ay nahuli sa Construction Site, Sunshine Valley Phase 1 Subdivision, Barangay Estefania, Bacolod City sa ikinasang operasyon ng CIDG Negros Occidental PFU sa pakikipagtulungan ng RMFB Intel Negros, 1st NOCPMCC, Bacolod City Maritime Police at BCPO-Station 4.
Ayon pa kay PLtCol Mendoza, ang suspek ay may Warrant of Arrest sa kasong 3 Counts of Rape na inisyu ni Hon. Fernand Abella Castro, Presiding Judge, RTC, Branch 41, Bacolod City, Negros Occidental na may petsang June 22, 2022 na walang nirekomendang piyansa.
Patuloy na pag-iigtingin ng PNP ang pagsasagawa ng mga operasyon at paghuli sa mga indibidwal na nagtatago sa batas. Ito ay nagpapakita lamang na maayos at matiwasay na ginagampanan ng mga kapulisan sa kanilang nasasakupan ang kanilang trabaho upang mabigyan ng karampatang hustisya ang mga naging biktima nito.
###
Panulat ni PCpl Mark Angelo Serrano
