Palawan – Timbog ang isang Most Wanted Person na may kasong 3 Counts of Rape sa isinagawang operasyon ng mga tauhan ng Rizal Municipal Police Station sa Brgy. Canipaan, Rizal, Palawan noong ika-15 ng Oktubre 2023.
Kinilala ni Police Major Thirz Starky Timbancaya, Chief of Police ng Rizal MPS, ang suspek na may alyas na “Romel”, 41, at residente ng Brgy. Canipaan, Rizal, Palawan at kabilang sa talaan ng Top 1 Most Wanted Person sa bayan ng Rizal at Top 2 Most Wanted Person sa buong Palawan.
Ayon kay PMaj Timbancaya, naaresto ang suspek sa isinagawang operasyon ng Rizal MPS sa bisa ng Warrant of Arrest sa kasong 3 Counts of Rape na walang inirekomendang piyansa.
Ang Rizal MPS ay patuloy na pinapatupad ang kanilang mandato na panagutin sa batas ang mga taong nagkasala at sumisira sa kaayusan at katahimikan ng kanilang nasasakupan.
Panulat ni Patrolman Erwin Calaus
