Walang takas sa mga awtoridad ang isang lalaking Most Wanted Person sa kasong paglabag sa Republic Act 7610 matapos mahuli sa Barangay Domonar, Ormoc City nito lamang Disyembre 01, 2024.
Kinilala ni Police Lieutenant Mark Alexis S Ruita, Officer-In-Charge ng Ormoc City Police Station 3, ang suspek na si alyas “Jun”, 23 anyos at residente ng Barangay Domonar, Ormoc City.
Bandang 6:50 ng umaga nang maaresto ang suspek ng mga tauhan ng Ormoc City Police Station 3 sa bisa ng Warrant of Arrest para sa paglabag sa Section 5 (b) ng RA 7610 o “Special Protection of Children Against Abuse, Exploitation and Discrimination Act” na may piyansa na Php200,000 para sa pansamantalang kalayaan.
Ang matagumpay na operasyon ay resulta ng pakikipagtulungan ng mamamayan sa kapulisan upang mapaigting ang kampanya kontra kriminalidad para mapanagot ang mga taong nagkasala sa batas. Dahil sa Bagong Pilipinas, ang gusto ng pulis, ligtas ka!.
Panulat ni Patrolwoman Ma. Elena B Singian
