Mansalay, Oriental Mindoro – Arestado ang isang Most Wanted Person ng CALABARZON sa isinagawang operasyon ng PNP noong Hunyo 7, 2022.
Kinilala ni Police Major Sherwin Maupay, Chief of Police ng Mansalay Municipal Police Station, ang suspek na si Wellie Seminiano Mangao, alyas “Tikbalang”, 60, construction worker, residente ng Brgy. Bonlew, San Luis, Batangas.
Ayon kay PMaj Maupay, naaresto ang suspek bandang 11:00 ng umaga sa Brgy. Bonbon, Mansalay, Oriental Mindoro ng pinagsanib puwersa ng mga tauhan ng Mansalay MPS, San Luis MPS – Batangas PPO sa pangunguna ni Police Major Julius Almeda, Chief of Police ng San Luis MPS at ng 3rd Platoon 2nd Oriental Mindoro Police Provincial Mobile Force Company sa pangunguna ni Police Lieutenant Christopher Abbacan, Platoon Leader.
Ayon pa kay PMaj Maupay, Naaresto ang suspek sa bisa ng warrant of arrest para sa kasong 4 Counts of Rape na may inirekomendang piyansa na Php150,000.
Ang Pambansang Pulisya ay hindi titigil sa kampanya laban sa mga Most Wanted Person para sa kaligtasan ng mamamayan.
Source: Mansalay MPS
###
Panulat ni Patrolman Erwin Calaus
