Naaresto ng mga tauhan ng Batangas Component City Police Station ang Most Wanted Person ng Calabarzon sa Barangay Pallocan West, Batangas City, Batangas bandang 12:35 ng hapon nitong Nobyembre 8, 2024.
Kinilala ni PLtCol Jephte F Banderado, Officer-in-Charge ng Batangas CCPS, ang suspek na si alyas “Limuel”, 37 taong gulang, truck helper, tubong Sara, Iloilo at residente ng Barangay Talumpok West, Batangas City.
Sa isinagawang manhunt operation ng mga tauhan ng Warrant Section ng Batangas Component City Police Station, matagumpay na nadakip ang suspek sa bisa ng Warrant of Arrest para sa Qualified Statutory Rape (2 counts) na walang piyansa.
Sa patuloy na kampanya ng ating kapulisan laban sa kriminalidad, napagtatagumpayan na mahuli ang lahat na nagkasala sa batas upang mapanagot ito at mabigyang hustisya ang mga biktima nito. Dahil hangad ng bawat alagad ng batas ang isang ligtas at maayos na pamayanan.
Source: Batangas Pulis
Panulat ni Pat Maria Sarah P Bernales
