Camarines Norte – Arestado ang isang lalaki na nakatalang Rank 7 Regional Most Wanted, Rank 6 Provincial Most Wanted at Rank 1 Municipal Most Wanted Person ng Basud, Camarines Norte PPO para sa kasong dalawang bilang ng Qualified Rape sa Zone 1, Barangay Lamon, Goa, Camarines Sur nitong Martes Nobyemre 30, 2022.
Kinilala ni Police Colonel Antonio Bilon Jr, Provincial Director ng Camarines Norte Police Provincial Office, ang suspek na si alyas “Jojo”, 36, binate.
Ayon kay PCol Bilon Jr., naaresto ang akusado ng pinagsanib na tauhan ng Basud Municipal Police Station, Goa Municipal Police Station, Regional Intelligence Unit 5 at Provincial Intelligence Unit Team-Camarines Norte
Ayon pa kay PCol Bilon Jr., naaresto ang akusado sa bisa ng Warrant of Arrest para sa kasong dalawang bilang ng Qualified Rape na may kaugnayan sa RA 7610 na walang kaukulang piyansa at Qualified Rape by Sexual Assault na may kaugnayan rin sa RA 7610 na may kaukulang piyansa na Php200,000.
Dagdag pa ni PCol Bilon Jr, hinalay umano ni alyas “Jojo” ang kanyang 13-anyos na anak na babae na naganap taong 2021 at dalawang ulit na panghahalay muli na naganap nito lamang buwan ng Mayo taong 2022.
Ang Pambansang Pulisya ay patuloy sa pagsisikap na mahuli ang mga taong nagtatago sa batas lalo na sa mga sumasamantala sa kahinaan at sumisira sa karapatan ng mga kababaihan.
Source: Camarines Norte PPO
